२०८३ मंसिर २ , बुधबार 19, November 2026, Thursday

झलनाथ खनाललाई नेपाली कम्युनिस्ट पार्टीमा तेस्रो वरियता

१० दलबीच एकतापछि बुधबार घोषणा हुने नेपाली कम्युनिस्ट पार्टीमा नेकपा (एकीकृत समाजवादी)का वरिष्ठ नेता झलनाथ खनाललाई तेस्रो वरियतामा राख्ने सहमति भएको छ ।

बुधबार बिहान माओवादी केन्द्रका अध्यक्ष पुष्पकमल दाहाल (प्रचण्ड) र अन्य शीर्ष नेताहरूबीच भएको छलफलमा खनाललाई तेस्रो वरियतामा राख्ने सहमति बनेको स्रोतले जनाएको छ ।

यसअघि उक्त पदका लागि बामदेव गौतमको नाम अगाडि रहेको बताइएको थियो । तर, विभिन्न घटकबीचको एकता प्रक्रियामा असन्तुष्टि जनाएका खनाल अन्ततः सहमत हुँदै भृकुटीमण्डपमा आयोजना गरिएको घोषणा सभामा सहभागी भएका छन् ।

नयाँ पार्टीमा प्रचण्ड पहिलो, माधवकुमार नेपाल दोस्रो, झलनाथ खनाल तेस्रो, बामदेव गौतम चौथो र नारायणकाजी श्रेष्ठ पाँचौँ स्थानमा रहने व्यवस्था गरिएको बताइएको छ ।

प्रकाशित मिति : २०८२ कात्तिक १९ गते बुधबार