२०८३ मंसिर २ , बुधबार 19, November 2026, Thursday

जेनजीको आन्दोलनमा घुसपैठ गरेको आरोपमा रविकिरण हमाल पक्राउ

जेनजी पुस्ताले गरेको स्वतन्त्र आन्दोलनमा घुसपैठ गरेको आरोपमा प्रहरीले राष्ट्रिय प्रजातन्त्र पार्टी (राप्रपा) का केन्द्रीय सदस्य रविकिरण हमाललाई पक्राउ गरेको छ । सोमबार दिउँसो बानेश्वरको आन्दोलन सहभागी भएर साँझ बूढानीलकण्ठ पुगेका बेला प्रहरीले हमाललाई पक्राउ गरेको परिवारका सदस्यले जानकारी दिएका छन् ।

हमाल राजावादीहरुको आन्दोलनमा समेत सहभागी हुँदै आएका राप्रपाका युवा नेता हुन् । जेनजी पुस्ताको आन्दोलनमा सहभागी हुने क्रममा उनले प्रधानमन्त्री ओलीलाई सरेन्डर (आत्मसमर्पण) गर्न आग्रह गरेको भिडियो टिकटकमा सार्वजनिक भएको थियो ।

साथै उनले आन्दोलनमा भएको क्षतिको म जिम्मा लिन्छु, राजनीतिशास्त्र पढेको व्यक्ति भएकाले देशको कार्यकारी प्रमुख बन्ने आफूसँग क्षमता भएको चिडियो पनि बाहिर आएको थियो । आफ्नो दाजु राप्रपाको केन्द्रीय सदस्य भए पनि जेनजी पुस्ताको भएका कारण आन्दोलनमा सहभागी बनेको तर सोमबार राति बूढानीलकण्ठबाट प्रहरीले गिरफ्तार गरेको रविका भाइले गुनासो पोखे ।

प्रकाशित मिति : २०८२ भदौ २४ गते मंगलबार