साताको अन्तिम कारोबार दिन शुक्रबार सुनको मूल्यमा उच्च गिरावट आएको छ । नेपाल सुनचाँदी व्यवसायी महासङ्घका अनुसार बिहीबारको तुलनामा शुक्रबार सुनको भाउ प्रतितोला २ हजार रुपैयाँले घटेको हो ।

बिहीबार बजारमा छापावाल सुन प्रतितोला १ लाख ४९ हजार ५०० रुपैयाँ रहेको थियो भने शुक्रबार घटेर १ लाख ४७ हजार ५०० रुपैयाँ कायम भएको छ । त्यस्तै, तेजावी सुन प्रतितोला १ लाख ४८ हजार ८०० रुपैयाँबाट घटेर १ लाख ४६ हजार ८०० रुपैयाँमा झरेको छ ।

यता, चाँदीको मूल्य पनि प्रतितोला ३० रुपैयाँले घटेको महासङ्घले जनाएको छ । यसअघि प्रतितोला १ हजार ८६० रुपैयाँ पर्ने चाँदीलाई आज १ हजार ८३० रुपैयाँ पर्ने नेपाल सुनचाँदी व्यवसायी महासङ्घले जनाएको छ ।