सुन हालसम्मकै उच्च मुल्यमा कारोबार

नेपाली बजारमा आज पहेँलो धातु सुन हालसम्मकै उच्च मुल्यमा कारोबार भइरहेको छ । दिनदिनै नयाँ रेकर्ड कायम गर्दै आएको सुनको भाउ आज पनि बढेर नयाँ रेकर्ड कायम गरेको हो ।

सोमबार प्रतितोला एक लाख १७ हजार ४०० रुपैयाँमा कारोबार भएको छापावाल सुन आज तीन सयले बढेर १ लाख १७ हजार ७०० पुगेको नेपाल सुन चाँदी व्यवसायी महासंघले जनाएको छ ।

यस्तै तेजाबी सुन एक लाख १७ हजार १५० रुपैयाँमा कारोबार भइरहेको छ । चाँदीको भाउ भने यथावत रहेको महासंघले जनाएको छ । आज चाँदी तोलको १ हजार ५०० रुपैयाँमा कारोबार भइरहेको छ ।