दसैँ नजिकिएसँगै त्रिभुवन अन्तराष्ट्रिय विमानस्थलको आन्तरिक ट्रमिनलमा आन्तरिक यात्रुहरुको भिड बढ्न थालेको छ । अहिले देशभरका अधिकांश विमानस्थल भएको स्थानमा मौसम पनि सफा रहेकाले उडान पनि बढेको नेपाल नागरिक उड्डयन प्राधिकरणले जानकारी दिएको छ ।
त्रिभुवन अन्तर्राष्ट्रिय विमानस्थलको आन्तरिक विमानस्थलतर्फको टर्मिनल भवनमा राखिएका पसल र बोर्डिङ पास कक्षमा मंगलबार पर्यटनमन्त्री किरातीले अनुगमन पनि गरेका छन् । टर्मिनल भवनमा राखिएका सामान र हवाई टिकटको भाडा बढी लिएको गुनासो बढेपछि अनुगमन गर्नुपरेको उनको भनाइ छ । अनुगमनका क्रममा सरकारले तोकेको भन्दा बढी भाडा लिएको नदेखिएको उनले बताए ।
हवाइ भाडा पनि सस्तो बनाउने प्रयास भइरहेको उनको भनाइ छ । सोमबार पर्यटन मन्त्री सुदन किराती र व्यवसायीबीच महँगो वर्गको टिकट संख्या बिक्रीको प्रतिशत कम गरी कम मूल्य वर्गको टिकट बिक्री बढाउँदै जाने सहमति वायुसेवा प्रदायकसँग गरेका छन् । यो सहमतिबाट यात्रुलाई खास फाइदा भने हुने छैन । किनभने दशैंमा घरजाने अधिकांश यात्रुले टिकट बुकिङ गरिसकेका छन् ।
समाचारको लागि
फोन : ०८१-५९०५०९, ९८५८०४००६४, ९८५८०७४२५०
Email : [email protected], [email protected]
विज्ञापनका लागि
Phone : ०८१-५९०५०९, ९८५८०४००६४, ९८५८०७४२५०
Email : [email protected]
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । काठमाडौं