२०८३ मंसिर ४ , शुक्रबार 20, November 2026, Friday

बाँकेका ६९ फर्म कारबाहीमा, १० लाख जरिवाना असुल

चालू आर्थिक वर्षको आठ महिनामा बाँकेका ६९ वटा व्यावसायिक फर्मलाई कारबाही गरेर १० लाख ५० हजार जरिवाना गरेको छ । सो अवधिमा इजाजत नलिएको, म्याद गुज्रेका वस्तुको बेचबिखन गरेको, मूल्य सूची नराखेको लगायत कसुरमा ती फर्मलाई कारबाही गरिएको छ ।

वाणिज्य, आपूर्ति तथा उपभोक्ता संरक्षण कार्यालय बाँकेबाट आयात र निर्यातका लागि इजाजत दिने, बजार अनुगमन गर्ने र विद्यालय उपभोक्ता शिक्षा कार्यक्रम सञ्चालन भइरहेको वाणिज्य, आपूर्ति तथा उपभोक्ता संरक्षण कार्यालयका प्रमुख हरिबहादुर खत्रीले जानकारी दिए ।

लुम्बिनी प्रदेशका बाँके, बर्दिया, दाङ, प्युठान, रोल्पा र पूर्वी रुकुम र कर्णाली प्रदेशका सबै जिल्ला गरी १६ जिल्ला कार्यक्षेत्र रहेको कार्यालयले उपभोक्ताको स्वास्थ्यमाथि गम्भीर असर गर्ने गरी उपभोक्ताको अधिकार हनन गर्नेलाई कारबाहीको दायरामा ल्याउन नियामक निकायलाई सुझाव दिएको छ ।

कार्यालयका प्रमुख खत्रीका अनुसार कार्यालयले आर्थिक वर्ष २०७८–०७९ मा ४३, आव २०७९–०८० मा ३५ र आव २०८० –०८१ मा १४० फर्मलाई कारबाही गरेर ३२ लाख ९५ हजार जरिवाना असुल गरेको थियो ।

प्रकाशित मिति : २०८१ चैत ५ गते मंगलबार