अमेरिकी डलर अहिलेसम्मकै उच्च मूल्यमा पुगेको छ । नेपाल राष्ट्र बैंकले शनिबारका लागि एक अमेरिकी डलरको बिक्री मूल्य १३४ रुपैयाँ १७ पैसा तोकेको छ । खरिद दर १३३ रुपैयाँ ५७ पैसा छ, जुन अहिलेसम्मकै उच्च हो ।

शुक्रबार अमेरिकी डलरको बिक्री मूल्य १३४ रुपैयाँ १५ पैसा र खरिद दर १३३ रुपैयाँ ५५ पैसा थियो । डलरको मूल्यमा नयाँ रेकर्ड बन्दा नेपाली मुद्राको अवमूल्यन भएको छ । भारतीय मुद्रा कमजोर हुँदा डलरको मूल्य बढेर नेपाली रुपैयाँ सबैभन्दा सस्तो दरमा ओर्लेको हो ।

नेपाली रुपैयाँ र भारतीय मुद्राबीच स्थिर विनिमयदर कायम छ । डलरको मूल्यवृद्धिले नेपाल भित्रिने रेमिट्यान्सका लागि सकारात्मक प्रभाव पर्छ, तर आयातदेखि अन्तर्राष्ट्रिय ऋणको ब्याजलाई असर गर्ने बताइन्छ ।

आजको विनिमयदर