सूचनाको शक्ति - The Power Of Information

        

पदभार ग्रहणसंगै स्वास्थ्यमन्त्री यादवले गरे तिन निर्णय

 नवनियुक्त स्वास्थ्य तथा जनसंख्यामन्त्री उपेन्द्र यादवले पदभार ग्रहण गरेका छन् ।

पदभार ग्रहण गरेसंगै उनले केही निर्णयहरू पनि गरेका छन् । उनले संघीय तथा प्रादेशिक अस्पतालहरूमा  शल्यक्रियामा देखिएको ढिलाइलाई घटाउन छिटोछरितो बनाउन आवश्यक निर्देशन दिने निर्णय गरेका छन् ।

यसै गरी डिजीटल प्रविधिको प्रयोगलाई प्रभावकारी बनाइ लाइन बस्नुपर्ने अवस्थाको अन्त्य गर्न निर्देशन समेत उनले दिएका छन् । यस्तै स्वास्थ्य सेवा ऐनका सन्दर्भमा गठित कार्यदलको प्रतिवेदन स्वीकृत गर्ने समेत निर्णय गरेका छन् ।

प्रधानमन्त्री पुष्पकमल दाहाल प्रचण्डले जनता समाजवादी पार्टी जसपाका  अध्यक्ष समेत रहेका यादवलाई स्वास्थ्य मन्त्री नियुक्त गरेसँगै राष्ट्रपति रामचन्द्र पौडेलले आइतबार बिहान पद तथा गोपनीयताको शपथ खुवाएका थिए ।

त्यस लगत्तै उनले मन्त्रालय पुगेर पद सम्हालेका हुन् ।

प्रकाशित मिति : २७ फाल्गुन २०८०, आइतवार १४:१३