शेयर बजार ५ प्रतिशतले बढेपछि सर्किट ब्रेक लागेको छ । नेप्से सूचक ५ प्रतिशतले बढेपछि ४० मिनेटका लागि कारोबार स्थगित भएको हो ।

बिहान ११ बजेर ५ मिनेटमा नेप्से सूचक ४ प्रतिशतले बढेपछि पहिलो सर्किट ब्रेक लागेको थियो । त्यसपछि ११ बजार २७ मिनेटमा नेप्से सूचक ५ प्रतिशतले बढेपछि अर्को पटक सर्किट ब्रेक लागेको हो ।

पहिलो घण्टामा नेप्से सूचक ४ प्रतिशतले घटे वा बढेमा २० मिनेट कारोबार स्थगित हुने र दोस्रो घण्टाभित्रमा सूचक ५ प्रतिशतले घटे वा बढे ४० मिनेट कारोबार स्थगित हुने नियम छ । यस्तै, तेस्रो घण्टाभित्र वा त्यसपछिको समयमा सूचक ६ प्रतिशतले घटे वा बढे बाँकी पूरै दिनको कारोबार स्थगित हुनेछ ।

अस्ति शुक्रवार नेपाल राष्ट्र बैंकले ल्याएको मौद्रिक नीतिको समीक्षाले शेयर धितो कर्जाको जोखिमभार घटेपछि लगानीकर्तामा मनोबल बढेको छ ।