ललितपुरको भैंसेपाटीमा निर्माण भएको संघीय मन्त्रीहरुको निवासका बारेमा राष्ट्रिय प्रजातन्त्र पार्टीका उपाध्यक्ष रविन्द्र मिश्रले ‘पापी निवास’ भनेका छन् । उनले सामाजिक सञ्जाल फेरबुकमा ३ मिनेट ४८ सेकेन्डको भिडियो शेयर गर्दै ‘पापी निवास’मा पापीहरुको मात्रै बास हुने बताएका छन् ।

भैंसेपाटीमा २४ मन्त्रीका लागि छुट्टाछुट्टै भवन बनाइएको छ भने सो स्थानमा राष्ट्रिय सभाका अध्यक्षका लागि पनि विशेष भवन तयार गरिएको छ । त्यसबाहेक अरु दुई भवन प्रतिनिधिसभाका उपसभामुख र राष्ट्रिय सभाको उपाध्यक्षका लागि तयार गरिएको छ । यीनै भवनलाई राप्रपाका उपाध्यक्ष मिश्रले ‘पापी निवास’ भनेका हुन् ।