नेपाल राष्ट्र बैंकले आजका लागि विदेशी मुद्राको विनिमय दर तोकेको छ । जसअनुसार आज अमेरिकी अमेरिकी डलरको भाउ अहिलेसम्मकै उच्च बिन्दुमा पुगेको छ ।

अमेरिकी डलर एकको खरिद दर १३२ रुपैयाँ ९५ पैसा र बिक्री दर १३३ रुपैयाँ ५५ पैसा कायम छ । एक अमेरिकी डलरको बिक्री मूल्य १३३ रुपैयाँ ५५ नेपाली रुपैयाँ पुगेको छ जुन अहिलेसम्मकै उच्च कीर्तिमान हो ।

हिजोसम्म अमेरिकी डलर एकको भाउ स्थिर थियो । हिजो १३२ रुपैयाँ ९३ पैसामा खरिद र १३३ रुपैयाँ ५३ पैसामा बिक्री भइरहेको थियो । डलरको भाउ तलमाथि हुनुमा नेपालको आन्तरिक नीतिको खासै कुनै योगदान छैन । बरु यसको सम्बन्ध अमेरिका र भारतको अर्थतन्त्रसँग छ ।

डलरको भाउ बढ्दा नेपालजस्तो आयातमा निर्भर देशलाई सबभन्दा ठूलो मार महँगीमा पर्न सक्छ । दाल र तरकारीदेखि इन्धन अनि लुगाफाटासम्म सबै वस्तुको भाउ बढ्छ । चाहे विदेश पढ्न जाने हो वा घुम्न जाने हो हवाईजहाजको टिकटदेखि सबै कुरा महँगिन्छन् ।