कोहलपुर । कोहलपुर नगरपालिका फेरि विवादमा तानिएको छ । कोहलपुर १५ नं. वडा कार्यालयको कार्यालय सहयोगी पदमा अपारदर्शी तरिकाले कर्मचारी राखेपछि कोहलपुर नगरपालिका फेरि विवादमा तानिएको हो । वडा कार्यालयमा कार्यरत एक जना कर्मचारीले राजिनामा दिएपछि १५ नम्बर वडा कार्यालयमा एउटा दरबन्दी रिक्त थियो ।

सोही ठाउँमा नगरपालिकाका नगर प्रमुख लुटबहादुर रावतको मनोमानी ढंगले कर्मचारी नियुक्त गर्न ठाडो आदेश दिएको र अपारदर्शी तरिकाले कर्मचारी राखेको कुरा बाहिएिको छ । नगर प्रमुख रावतको ठाडो आदेशमा कार्यालय सहयोगी पदमा अपारदर्शी तरिकाले कर्मचारी राखेपछि कोहलपुर नगरपालिका फेरि विवादमा तानिएको छ ।

कोहलपुर नगरपालिका–१५ को वडा कार्यालयले थप कर्मचारीको आवश्यकता नपरेको जनाए पनि नगर प्रमुख रावतको ठाडो आदेशमा रातारात कोहलपुर–१४ निवासी तिलकुमारी बिकलाई १५ नम्बर वडाको कार्यालय सहयोगी नियुक्ति गरिएको छ । तर, वडा कार्यालयले भने उक्त पदमा सुनिता मगरलाई नियुक्त गरिसकेको छ ।

वडा कार्यालयले निर्णय गरिसकेको अवस्थामा नगरपालिकाले विकलाई नियुक्त गर्न आदेश दिएपछि नगरपालिका र वडा कार्यालयबीच विवाद बढेको छ । १५ नम्बर वडा कार्यालयका कावा वडाध्यक्ष अनिताकुमारी बुढाथोकीले वडा समितिको निर्णय अनुसार वडा नम्बर १५ कै सुनितालाई कार्यालय सहयोगीमा नियुक्त गर्न नगरपालिकालाई सिफारिस गरेकी थिइन् ।

नगरपालिकाका नगर प्रमुख रावतले भने सिफारिसलाई व्यवास्ता गर्दै गैरवडावासीलाई जवरजस्ती नियुक्ती दिन ठाडो आदेश दिएपछि विवाद बाहिरिएको हो । नगरपालिकाका निमित्त प्रमुख प्रशासकीय अधिकृत अनन्त पौडेलले बिकलाई करारमा नभएर दैनिक ज्यालादारीमा नियुक्त गरेको स्वीकार गरेका छन् ।

ज्यालादारीमा नियुक्ति पाएकी उनलाई स्वास्थ्यमा जिम्मेवारी तोकिएको समेत बताए । वडा कार्यालयले थप कर्मचारीको आवश्यकता नपरेको प्रतिक्रिया दिएपछि अहिले नगर स्वास्थ्य कार्यालयमा कार्यरत कार्यालय सहयोगीलाई वडा कार्यालयमा पठाउने र नयाँ कर्मचारी बिकलाई नगर स्वास्थ्य कार्यालयमा राख्ने तयारी भइरहेको नगरपालिका स्रोतले बतायो ।

कर्मचारी नियुक्त गर्दा सार्वजनिक सूचना प्रकाशित गरि प्रतिश्पर्धाको आधारमा नियुक्त गरिन्छ । तर, सबै प्रक्रियालाई चुनौती दिँदै रातारात कर्मचारी नियुक्त गर्नुले कोहलपुर नगरपालिकाको सुशासनको अवस्था भ्रष्टाचारउन्मुख रहेको कुरा प्रष्ट भएको नेपाली काँग्रेस कोहलपुर नगर सचिव भुमबहादुर भण्डारी बताउँछन् ।

यता नगर प्रमुख रावतले तत्कालका लागि कर्मचारी आवश्यक देखिएकाले दैनिक ज्यालादारीमा एक जना कर्मचारी नियुक्त गरिएको बताए । उनले खाली रहेको दरबन्दीमा कर्मचारी नियुक्त गर्ने प्रक्रिया लामो हुने भएकाले उक्त प्रक्रियाबाट नयाँ कर्मचारी नआउँदासम्म स्थानीय एक महिलालाई दैनिक ज्यालादारीमा काम गराउन वडा कार्यालयलाई आग्रह गरिएको उल्लेख गरे ।

नगर प्रमुख रावतका अनुसार प्रमुख प्रशासकीय अधिकृत नआएकाले तत्काल रिक्त दरबन्दीका लागि प्रक्रिया अघि बढाउन नसकिएको भन्दै छिट्टै प्रक्रियागत रुपमै कर्मचारी भर्ना गरिने दाबी गरे । सूचना प्रकाशित नगरी कार्यकर्ता नियुक्त गरेर गलत काम नगर्न नगर प्रमुख र निमित्त प्रमुख प्रशासकीय अधिकृतलाई आग्रह गरिएको कांग्रेस नगर सचिव भण्डारीले बताए ।

नगरपालिकालाई राजनीतिक कार्यकर्ताहरुको भर्ती केन्द्र नबनाउन र प्रक्रियाभन्दा बाहिर गएर अराजकता प्रदर्शन नगर्न सचिव भण्डारीले चुनौती दिएका छन् । नगरपालिकाका निमित्त प्रमुख प्रशासकीय अधिकृत पौडेलले बिकलाई करारमा नभएर दैनिक ज्यालादारीमा नियुक्त गरेर उनलाई स्वास्थ्य केन्द्रमा जिम्मेवारी तोकिएको समेत स्वीकार गरेका छन् ।

सम्बन्धीत समाचारहरु :

भ्रष्टाचार छानबिनको माग गर्दै कोहलपुर नगरपालिका तालाबन्दी

कोरोनाको भुँग्रोमा कोहलपुरबासी, लाज पचाउँदै उद्घाटनतिर ‘मेयर लुटबहादुर’

कोहलपुर नगरपालिकामा काण्डैकाण्ड, ‘१७ कोठामा, ३० वटा एसी’

‘भ्रष्टाचारको अड्डा’ कोहलपुर नगरपालिका, ‘अनियमितता लुकाउन भ्रामक विज्ञप्ती’

‘भ्रष्टाचारको अड्डा’ कोहलपुर नगरपालिकाभित्रका तीन पात्र, ‘छवि, दिल र अग्नी’

भ्रष्टाचारको दलदलमा कोहलपुर, जनप्रतिनिधिको ‘कालो झोलामा’ नगरपालिका

बदनाम कोहलपुर नगरपालिका : ‘जनप्रतिनिधि र कर्मचारीको कमाउधन्दा चलाउने अड्डा’

कोहलपुरमा वडाध्यक्षदेखि मेयरसम्मको ब्रम्हलुट, अर्थहीन योजनामा बजेट खर्च

कोहलपुरमा चरम आर्थिक घोटाला, किन लुकाइयो छानविन समितिका प्रतिवेदन ?

कोहलपुर नगरपालिकाद्वारा कृषि अनुदानको खुलेआम दुरूपयोग

कोहलपुरमा बेतिथि : प्रसुति गृहको रकममै लुटतन्त्र

कोहलपुरमा मेयर लुटबहादुरको ब्रह्मलुट, ‘जनताको ढाड भाँचिने गरी बजेट दुरुपयोग’

कोहलपुरका मेयर लुटबहादुरको अर्को बदमासी, ‘नेकपा नहुँदा सरकारी सेवाबाट बञ्चित’

स्वास्थ्य संस्था एम्बुलेन्सबिहीन, मेयर लुटबहादुरलाई विलासी कार