चीन–नेपाल सीमा नजिकको हिमाली क्षेत्रमा गत भदौ १० गते आएको विनाशकारी बाढीका कारण चीनतर्फ मृत्यु हुनेको संख्या ४३ पुगेको छ । उद्धार तथा खोजी अभियानमा संलग्न अधिकारीहरूले आइतबार यसको पुष्टि गरेका हुन् ।
पछिल्लो विवरण अनुसार हिमाली क्षेत्रमा गएको पहिरो र त्यसपछि हिमनदीमा आएको बाढीका कारण ४३ जनाको मृत्यु भएको छ भने ५१९ जना अझै बेपत्ता छन् । बाढीले चीन र नेपाल दुवैतर्फ ठूलो क्षति पुर्याएको छ ।
दुवै देशमा गरी करिब एक हजार ४०० जनाको मृत्यु भएको र पाँच हजार ५०० भन्दा बढी बेपत्ता भएको जनाइएको छ । बाढीका कारण हजारौँ घर बगेका वा डुबानमा परेका छन् भने दशौँ हजार मानिस विस्थापित भएका छन् । नेपाली क्षेत्रमा विद्युतगृह, सडक, पुल, घर तथा खेतीयोग्य जमिनमा पुगेको क्षति सयौँ अर्ब रुपैयाँभन्दा बढी हुने प्रारम्भिक अनुमान गरिएको छ ।
प्रकाशित मिति : २०८३ भदौ २१ गते आइतबार
