मुस्लिम आयोगका अध्यक्ष समिम मियाँ अन्सारीसहितको टोलीले मदरसा शिक्षाको बारेमा अनुगमन तथा छलफल गरेको छ । बाँकेको नरैनापुर गाउँपालिका अन्तर्गत रहेका मदरसाको स्थलगत अनुगमन गर्दै आयोगको टोलीले मदरसा शिक्षाको अवस्थाका बारेमा जानकारी लिएको हो ।
टोलीले सो क्षेत्रमा सञ्चालित मदरसाको भौतिक पुर्वाधार, बालबालिकाको शिक्षाको अवस्था, गुणस्तरीयता लगायतका विषयमा जानकारी लिई देखिएका समस्यालाई समाधानका लागि सम्वन्धित निकायमा पहल गर्ने मुस्लिम आयोगका सदस्य सम्सुल हकले बताए ।
अनुगमन पश्चात आयोगका अध्यक्ष अन्सारीले नेपाली मुस्लिम समुदायले सबैभन्दा बढी शिक्षामा जोड दिनुपर्ने भन्दै मुस्लिम समुदाय शिक्षामा निकै पछाडि परेकाले शिक्षा क्षेत्रमा विशेष कार्यक्रम सञ्चालन गर्न आवश्यक रहेको बताए । उनका अनुसार राज्यको हरेक तहमा मुस्लिम समुदायको प्रतिनिधित्वका लागि आयोगले निरन्तर पहल गर्दै आएको छ ।
मुस्लिम आयोगले समुदायको शिक्षामा बढी जोड दिएको भन्दै आयोग अध्यक्ष अन्सारीले लोकसेवा आयोगका लागि निःशुल्क तयारी कक्षा सञ्चालन गरिरहेको जानकारी दिए । उनले शिक्षालाई व्यवस्थित गर्दै मदरसा शिक्षालाई मूलधारमा ल्याउन मदरसाको व्यवस्थापनका लागि तीन वटै सरकारको भुमिका प्रभावकारी बनाउनुपर्नेमा जोड दिए ।
त्यस अवसरमा अध्यक्ष अन्सारीसहितको टोलीलाई स्वागत गर्दै नरैनापुर गाँउपालिकाका अध्यक्ष इश्तियाक अहमद साहले पालिकामा रहेका २६ वटा मदरसाको भौतिक पूर्वधार र योग्य जनशक्ति नहुँदा मदरसाको अवस्था नाजुक भएको भन्दै भौतिक पूर्वधार र कन्या क्याम्पस स्थापनाका लागि पहल गरी दिन माग गर्नुभएको थियो । टोलीमा अध्यक्ष अन्सारी, सदस्यद्वय सम्सुल हक र महमदिन अलीलगायत रहेका थिए ।
समाचारको लागि
फोन : ०८१-५९०५०९, ९८५८०४००६४, ९८५८०७४२५०
Email : [email protected], [email protected]
विज्ञापनका लागि
Phone : ०८१-५९०५०९, ९८५८०४००६४, ९८५८०७४२५०
Email : [email protected]
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । बाँके