सत्यपाटी
नेपाली कम्यूनिष्ट पार्टीका अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’की छोरी गंगा दाहालसहित परिवारका केही सदस्यहरू चीन भ्रमणका लागि भिसा लिएको सूचनापछि सुरक्षा निकायले उनीहरूको गतिविधिमाथि निगरानी बढाएको स्रोतको दाबी छ ।
स्रोतका अनुसार गंगासँगै स्मिता, जीवन आचार्य लगायत व्यक्तिहरू र केही व्यवसायीहरूमाथि पनि निगरानी बढाइएको हो । उनीहरूबीच चीनमा सम्पत्ति खरिद, कम्पनी दर्ता र व्यावसायिक सम्बन्धबारे समेत प्रारम्भिक छानबिन भइरहेको दाबी गरिएको छ ।
मरिण क्षेत्रमा प्रस्तावित चिनियाँ लगानीको भैँसी मासु प्रशोधन परियोजनासँग प्रचण्ड परिवारको नाम जोडिएपछि सो लगानी र सम्पत्तिको स्रोतबारे प्रश्न उठिरहेको स्रोतहरूको भनाइ छ । परियोजनाको अनुमानित लागत करिब २७ अर्ब रुपैयाँ रहेको बताइएको छ । योसँगै एमाले अध्यक्ष एवं पूर्वप्रधानमन्त्री केपी शर्मा ओलीका साला राजेश बज्राचार्य पनि पक्राउको सूचीमा छन् ।
