पहिरोमा परेर नेपाली सेनाका बहालवाला कर्णेल मिलन केसीको बेपत्ता भएका छन् । दोलखा जिल्लाको भीमेश्वर नगरपालिका बोच निवासी केसी शनिवार सिन्धुपाल्चोकको सुनकोसी गाउँपालिकाको सुकुटेस्थित सिन्धु बिज रिसोर्ट बगाउँदा बेपत्ता भएका हुन् ।

शनिवार सो रिसोर्ट बगाउँदा चार जना बेपत्ता भएका थिए । केही घण्टापछि दुई जनाको शव भेटिएको थियो । भक्तपुर खरीपाटीमा कार्यरत केसी कोरियन साथीहरूसँगै रिसोर्टमा थिए । रिसोर्ट बगेपछि उनी साथीको उद्धार गर्ने क्रममा हिजो बेपत्ता भएको बागमती प्रदेशका डीआइजी कृष्णहरि शर्माले जानकारी दिए । उनको परिचयपत्र भेटिएको उनले बताए ।