काठमाडौंको नागढुंगा नजिकै झ्याप्लेखोलामा गएको पहिरोबाट २३ शव निकालिएको छ । गोरखाबाट काठमाडौं आएको बससहित केही साना गाडी पनि पुरिएको आशंका प्रहरीले गरेको छ ।

उद्धारमा खटिएका प्रहरीका अनुसार बससहित थप एउटा हायस गाडी पुरिएको पाइएको छ । अहिलेसम्म २३ शव फेला परेको प्रहरीले जनाएको छ । नागढुंगाका डीएसपी सूर्य सुवेदीका अनुसार बस र हायस पुरिएको अवस्थामा फेला परेको हुँदा निकाल्ने प्रयास जारी छ ।

उक्त पहिरो हिजोदेखि नै पन्छाउने काम भइरहेको छ । यसअघि हिजो उक्त पहिरोमा परेर १४ जनाको शव फेला परेको थियो । अहिलेसम्म उक्त स्थानमा गएको पहिरोमा परी अहिलेसम्म ३७ जनाको मृत्यु भएको काठमाडौं प्रहरी प्रमुख नवराज अधिकारीले जानकारी दिए ।