प्रतितोला एक हजार रूपैयाँले बढेर बुधबार नेपाली बजारमा सुन हालसम्मकै उच्च बिन्दुमा पुगेको छ । यो साता आइतबार प्रतितोला एक हजार २०० रूपैयाँले घटेर सोमबार र मंगलबार सामान्य वृद्धि भएको सुनको मूल्य बुधबार पनि उकालो लाग्दै प्रतितोला एक लाख ५३ हजार ४०० रूपैयाँ पुगेको छ ।

यसअघि गएको शुक्रबार सुन हालसम्मकै उच्च प्रतितोला एक लाख ५३ हजार ३०० रूपैयाँमा कारोबार भएको थियो । यो साता बुधबार पुनः सुनको मूल्यले नयाँ रेकर्ड कायम गरेको हो । चाँदीको मूल्य पनि लगातार वृद्धि भइरहेको छ । सोमबार र मंगलबार दुई दिनमा प्रतितोला १५ रूपैयाँले बढेको चाँदीको मूल्य बुधबार तोलामा १५ रूपैयाँले बढेर प्रतितोला एक हजार ७८० रूपैयाँ कायम भएको छ ।