नेपालमा सामाजिक सञ्जाल टिकटक पुनः सञ्चालनमा आउने भएको छ । त्यसको लागि सरकारले तयारी थालिरहेको हो । सामाजिक सद्भाव र वातावरणमा खलल पुर्याएको भन्दै २७ कात्तिक ०८० को मन्त्रिपरिषद् बैठकले टिकटक बन्द गर्ने निर्णय गरेको थियो ।

उक्त निर्णयसँगै बन्द रहेको टिकटकमाथिको प्रतिबन्ध खोल्ने तयारी सरकारले गरेको हो । टिकटक नेपालसहित विश्वभरका युवापुस्तामा एकदमै लोकप्रिय छ । प्रधानमन्त्री केपी शर्मा ओलीले टिकटक प्रतिबन्ध खोल्नेबारे आवश्यक गृहकार्य गर्न अधिकारीहरुलाई निर्देशन दिइसकेको बताइएको छ ।