दक्षिणी अफ्रिकामा दशौं लाखौं मानिसहरू ‘एल निनो–प्रेरित’ खडेरीको प्रभाव भोगिरहेका छन् । जसले बाली र पशुधन उत्पादनमा गिरावट आएको र धेरै देशहरूमा खाद्यान्न अभाव भइरहेको बताएको छ । दक्षिणी अफ्रिकी विकास समुदाय (एसएडिसी) का कार्यकारी सचिव एलियास मगोसीले भने, ‘क्षेत्रको १७ प्रतिशत जनसंख्या अर्थात करिब ६८ मिलियन मानिसहरूलाई सहयोगको आवश्यक छ ।

सन् २०२४ को वर्षा मौसम एक चुनौतीपूर्ण रहेको छ, अधिकांश क्षेत्रहरूमा ढिलो वर्षा भएको एल निनो घटनाले नकारात्मक प्रभाव परेको छ । उनका टिप्पणीहरू १६–राष्ट्र एसएडिसीका राष्ट्र प्रमुखहरू जिम्बाब्वेको राजधानी हरारेलमा क्षेत्रीय मुद्दाहरूसहित खाद्य सुरक्षा, छलफल गर्न भेटघाट गरिरहेका बेला आएका हुन् । दक्षिणी अफ्रिकामा जिम्बाब्वे, मालावी र जाम्बिया ती देशहरूमा पर्छन् । जहाँ खडेरीले कुपोषणको समस्या बढाएको छ ।

शनिबार हरारेलबाट रिपोर्ट गर्दै अल जजीराकका प्रतिनिधिहारु मुसाताले एसएडिसी राष्ट्रका नेताहरूले प्रभावित देशहरूमा थप अनुदान र खाद्यान्न सहयोग कसरी प्राप्त गर्ने भन्ने विषयमा छलफल गर्ने छन् । उनले भने, ‘बालीहरू मर्दैछन्, यो एक ठूलो समस्या हो ।’ जुनको शुरुमा, संयुक्त राष्ट्रको विश्व खाद्य कार्यक्रमले विशेष गरी पहिले नै खाद्यान्न अभावको शिकार भएका समुदायहरूमा खडेरीको भयावह प्रभावलाई उजागर गरेको थियो ।

संयुक्त राष्ट्र जलवायु संकट संयोजक रिना गेलानीले भनिन्, ‘हामीले भेटेका ग्रामीण समुदायहरूले यस्तो कहिल्यै नदेखेको बताएका छन् । उनीहरू आफ्नो भविष्यको बारेमा अत्यन्तै चिन्तित छन् ।’ संयुक्त राष्ट्रका अनुसार दक्षिणी अफ्रिकाले १०० वर्षमा सबैभन्दा सुक्खा फेब्रेबरीमा देखिएको थियो । त्यसबेला २० प्रतिशत मात्र वर्षा भएको थियो । तापक्रम पनि औसतभन्दा धेरै डिग्री बढेको छ ।

जलवायु संकटले यहाँका मानिसलाई चुँडिरहेको छ : महासचिव गुटेरेस

संयुक्त राष्ट्रका महासचिव एन्टोनियो गुटेरेसले गत महिना भनेका थिए, जलवायु संकटद्वारा उत्पन्न भएको अत्यधिक गर्मीले अर्थतन्त्रहरूलाई चुँडिरहेको छ, त्यो क्रम निरन्तर बढीरहेको छ । यसले असमानता बढाइरहेको छ । दिगो विकास लक्ष्यहरूलाई कमजोर बनाइरहेको र मानिसहरूलाई मारिरहेको छ ।

उनले भने, ‘हामीलाई थाहा छ, जीवाश्म इन्धनबाट चार्ज गरिएको र मानव–प्रेरित जलवायु परिवर्तनका कारण यस्तो भइरहेको छ । यो झन् खराब हुँदै जानेछ, अत्यधिक गर्मी नयाँ असामान्य हो ।’ जलवायु परिवर्तनको प्रभाव तीव्र हुँदै जाँदा मौसमको ढाँचाहरू थप चरम बनिरहेका छन् । जसमा खडेरी, अत्यधिक शक्तिशाली आँधीहरू, बाढी र जङ्गली आगोले विश्वको धेरै भागलाई प्रभावित गरिरहेको छ ।