सूचनाको शक्ति - The Power Of Information

        

हृदयाघात हुनुअघि शरीरमा कस्ता संकेत देखिन्छन् ?

हृदयाघात एक जटिल किसिमको आकस्मिक अवस्था हो जसमा मुटुका रक्तनली अर्थात् धमनीहरू र मुटु मै सामान्यतः रगत जम्ने कारण रक्त सञ्चार बन्द भई सृजना हुने गर्दछ । त्यसैले यसका लक्षणहरु पनि अचानक शुरु हुन्छ ।

यस्तो हुँदा हाम्रो मुटु बिस्तारै निकै कमजोर हुन थाल्छ वा रगतलाई राम्रोसँग पम्प गर्न सक्दैन । जसले हृदयाघातका समस्या हुन्छ । यसैकारण हृदयाघातका जोखिम पनि बढ्छ र व्यक्तिको मृत्युसमेत हुनसक्छ । त्यसैले तपाईँले आफ्नो मुटुको विशेष ध्यान राख्न आवश्यक हुन्छ ।

जान्नुहोस् हृदयाघातका केही लक्षण

– छाती दुख्ने : छातीमा केहीले थिचेको जस्तो, गह्रौँ, छाती कस्सिएको जस्तो हुने ।

– शरीरका अरू भाग दुख्ने : छातीबाट अरूतिर दुखाइ सर्दै जानु खासगरी पाखुराहरूमा दुखाइ खासगरी बायाँ हात प्रभावित हुन्छ, तर दुवै पाखुरा पनि प्रभावित हुन सक्छ चिउँडो घाँटी पिठ्युँ र पेटमा दुखाई ।

– रिँगटा लागेको जस्तो हुने ।

– पसिना आउने ।

– सास फेर्न गाह्रो हुने ।

– खोकी लाग्ने वा सास घ्यार्र घ्यार्र हुने ।

छातीको दुखाइ धेरैजसो चर्को हुन्छ तर केही मानिसहरूमा त्यो दुखाइको मात्रा अपच भएका बेला जस्तो अलि कम महसुस हुन सक्छ, महिला र पुरुष दुवैमा हृदयाघातको सबभन्दा प्रमुख लक्षण छाती दुख्नु हो । महिलाहरूमा सास फेर्न गाह्रो हुने वा बान्ता आएजस्तो वा पिठ्युँ र चिउँडोमा दुखाइ महसुस हुन सक्छ ।

प्रकाशित मिति : २३ जेष्ठ २०८१, बुधबार ०९:४७