२०८३ मंसिर ४ , शुक्रबार 20, November 2026, Friday

जेनजी आन्दोलनमा काठमाडौँबाट लुटिएका हतियार कैलालीसम्म पुगे

जेनजी आन्दोलनको क्रममा लुटिएका प्रहरीका ७२३ हतियार फिर्ता भएका छन् । आज बुधवार सम्मको तथ्यांकअनुसार ७२३ हतियार फिर्ता आएको नेपाल प्रहरीले जनाएको छ । काठमाडौँमा लुटिएको हतियार कैलालीसम्म पुर्याइएको पनि प्रहरीले जनाएको छ ।

जेनजी आन्दोलनको क्रममा सानो ठूलो गरेर नेपाल प्रहरीका मात्रै एक हजार २७१ हतियार लुटपाट तथा हराएका थिए । केही हतियार बेवारिसे अवस्थामा भेटिएको, केहीलाई हतियारसहित पक्राउ गरिएको र केहीले भने आफैँ हतियार बुझाएको प्रहरीले बताएको छ ।

अझै ५४८ हतियार फिर्ता हुन बाँकी नै छ । लुटिएका हतियार खोजी गर्न सातै प्रदेशमा डिएसपीको कमाण्डमा टोली बनाएर खोजीको काम भइरहेको छ । प्रहरीका हतियार लुटेर पोजिसन लिँदै गरेको भिडिओ, तस्बिर प्रदर्शनकारी स्वयंले सार्वजनिक गरेका थिए ।

पेस्तोल, बन्दुक, ग्यास गन लगायत हतियार लुटिएको प्रहरीको भनाइ छ । नेपाल प्रहरीलाई यसअघि समेत हतियार अपुग भन्दै पटक पटक किन्ने प्रक्रिया अघि बढाउँदै रोकिँदै आएको थियो । यही अवस्थामा अहिले एक हजार २१७ थान प्रहरीका हतियार लुटिएका छन् ।

प्रकाशित मिति : २०८२ कात्तिक १२ गते बुधबार