खाद्य प्रविधि तथा गुण नियन्त्रण विभागले अनामनगरस्थित बाजेको सेकुवालाई कारबाही गरेको छ । तयारी खाद्य पदार्थ लेबल नलगाई भण्डारण गरेको पाइएपछि खाद्य स्वच्छता तथा गुणस्तर ऐन, २०८१ बमोजिम कारबाही प्रक्रिया अगाडि बढाइएको विभागले जनाएको छ ।
बाजेको सेकुवाले मसीजन्य कागजमा लेबल नलगाई प्रयोग गर्ने गरेको समेत पाइएको छ । यसको प्रयोगले मानिसको स्वास्थ्यमा असर पर्ने हुँदा प्रयोग नगर्न निर्देशन दिइएको छ । बाजेको सेकुवामा प्याकेट स्टिक नुडल्स भण्डारण कक्षमा फेला परेको थियो ।
यस्तै घ्यू तथा प्रशोधित पिउने पानीका दुईवटा नमुना मोबाइल फुड ल्याबमा चेकजाँच गरी लेबल नभएको नुडल्स नष्ट गरिएको छ । साथै कृत्रिम रंगको प्रयोग मापदण्ड विपरीत नगर्न निर्देशन दिइएको छ । उक्त रेष्टुरेन्टमा खाद्य ऐनविपरीत खाद्य वस्तु तथा पदार्थको बिक्रीवितरण गरेको पाइएको हुँदा कारबाही गरी मुद्दा दायर गरिने विभागले बताएको छ ।
यसैगरी जम्काभेट रेस्टुरेन्ट एण्ड लाउन्ज अनामनगरमा भएको निरीक्षण अनुगमनमा तयारी खाद्य पदार्थ लेबल नलगाई भण्डारण गरेको र धमला डेरीबाट उत्पादित लेबल बिनाको बटर प्रयोग गर्ने गरेको पाइएको विभागका प्रवक्ता मोहनकृष्ण महर्जनले जानकारी दिए ।
रेष्टुरेन्टमा दूध तथा प्रशोधित पिउने पानीका तीन वटा नमुना मोबाइल फुड ल्याबमा चेकजाँच गरिएको थियो । अनामनगरकै किम्ची फास्टफुड एण्ड तन्दुरी रेस्टुरेन्टमा काँचो तथा पकाएका खाद्य पदार्थ लेबल विवरण नलगाई एकै ठाउँमा नछोपी भण्डारण गर्ने गरेको र सरसफाइ नभएको पाइएको छ ।
मासु अघिल्लो दिनमै फ्राइ गर्ने गरेको तथा पूर्ण लेबल विवरण नभएको स्लाइस ब्रेड प्रयोग गर्ने गरेको पाइएको हो । उक्त रेष्टुरेन्टमा दूध, घ्यू तथा प्रशोधित पिउने पानीका पाँच वटा नमुना मोबाइल फुड ल्याबमा परीक्षण गरिएको छ ।
रेष्टुरेन्टलाई पूर्ण लेबल विवरण भएका खाद्य पदार्थ मात्र प्रयोग गर्न, सरसफाइमा ध्यान दिई खाद्य स्वच्छता कायम गर्न र मासु फ्राइ प्रयोग गर्ने दिनमै गर्न निर्देशन दिनुका साथै खाद्य स्वच्छता तथा गुणस्तर ऐन, २०८१ बमोजिम थप अनुसन्धान तथा कारबाही प्रकृया अगाडि बढाइएको छ ।
समाचारको लागि
फोन : ०८१-५९०५०९, ९८५८०४००६४, ९८५८०७४२५०
Email : [email protected], [email protected]
विज्ञापनका लागि
Phone : ०८१-५९०५०९, ९८५८०४००६४, ९८५८०७४२५०
Email : [email protected]
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । काठमाडौं