निर्वाचन आयोगले मतदाता नामावली अद्यावधिक कार्यक्रम सञ्चालन गरेको छ ।
आउँदो वैशाख १५ गते इलाम क्षेत्र नम्वर २ र प्रदेशसभा अन्तर्गत बझाङ १ को ‘क’ मा उपचुनाव हुने भए पनि मतदाता नामावली देशभर नै अद्यावधिक गर्न लागिएको आयोगले जनाएको छ ।
आयोगका अनुसार गएको फागुन १३ गतेसम्म सङ्कलन भएको विवरणहरुमध्ये आउँदो वैशाख १४ गतेसम्म १८ वर्ष उमेर पुग्ने मतदाताको विवरण अद्यावधिक गरेर अन्तिम नामावली सार्वजनिक गरिनेछ ।
मतदाता नामावलीमा रहेको त्रुटि सच्याई अन्तिम नामावली प्रकाशन हुने आयोगले जनाएको छ । आयोगको वेबसाइटमा मतदाता नामावली प्रकाशन भैसकेको छ ।
नामावली अद्यावधिक कार्यक्रम गएको फागुन २९ गतेदेखि शुरु भएको र आउँदो चैत ५ गतेसम्म सञ्चालन हुने आयोगले जनाएको छ । मतदाताले त्रुटि सच्याउनका लागि आयोगको अनलाइन एप्लिकेशन, निर्वाचन कार्यालय वा पालिकाका वडा कार्यालयमा निवेदन दिन सक्नेछन् ।
आयोगले आउँदो २२ गते अन्तिम मतदाता नामावली प्रकाशन गर्ने तयारी गरेको छ ।
समाचारको लागि
फोन : ०८१-५९०५०९, ९८५८०४००६४, ९८५८०७४२५०
Email : [email protected], [email protected]
विज्ञापनका लागि
Phone : ०८१-५९०५०९, ९८५८०४००६४, ९८५८०७४२५०
Email : [email protected]
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । काठमाडौँ