सत्यपाटी
सरकारले चार प्रमुख जिल्ला अधिकारीसहित पाँच सह–सचिवको सरुवा गरेको छ । गृह मन्त्रालयले असोज २३ को निर्णयानुसार प्रमुख जिल्ला अधिकारीहरूको सरुवा तथा पदस्थापन गरेको हो ।
दोलखाका प्रमुख जिल्ला अधिकारी कोमलप्रसाद धमला सर्लाही सरुवा भएका छन् भने सर्लाहीका प्रमुख जिल्ला अधिकारी इन्द्रदेव यादवलाई इलाम सरुवा गरिएको छ ।
यसैगरी इलामका प्रमुख जिल्ला अधिकारी श्रवणकुमार पोखरेललाई बाँके सरुवा गर्दा गृहमन्त्रालय वा अन्तर्गत दरबन्दी रहेका टुवराज पोखरेललाई दोलखा पठाइएको छ । सहसचिव विपिन आचार्य बाँकेबाट गृह–मन्त्रालय वा अन्तर्गत सरुवा भएका छन् ।
हेर्नुहोस्, विवरण :
प्रकाशित मिति : २०८० असोज २५ गते बिहीबार
