नेपाली बजारमा आइतबार (कात्तिक ३०) सुनको मूल्य घटेको छ । सुनको मूल्य तोलामा ६ हजार ९०० रुपैयाँले घटेको नेपाल सुनचाँदी व्यवसायी महासंघले जनाएको छ ।
यस दिन छापावाल सुनको मूल्य तोलाको दुई लाख ४२ हजार ८०० रुपैयाँ कायम छ । गएको शुक्रबार (कात्तिक २८) छापावाल सुन प्रतितोला दुई लाख ४९ हजार ७०० रुपैयाँमा किनबेच भएको थियो ।
चाँदीको मूल्य पनि तोलामा १५० रुपैयाँले घटेको छ । चाँदी प्रतितोला तीन हजार १३५ रुपैयाँमा खरिद–बिक्री भइरहेको महाशाखाले जनाएको छ । शुक्रबार चाँदी प्रतितोला तीन हजार २८५ रुपैयाँमा कारोबार भएको थियो ।
प्रकाशित मिति : २०८२ कात्तिक ३० गते आइतबार
