पनिर प्रोटिनको राम्रो स्रोत हो । विवाह होस् वा कुनै ठुलो कार्यक्रम शाकाहारी भोजनमा पनिर सबैभन्दा बढी प्रयोग गरिन्छ । तर तपाईंले खाइरहनुभएको चिज पनिर नै हो कि अरू केही ? यो कतै तपाईंको स्वास्थ्यलाई उल्टै बिगार्ने चिज पो हो ?
भारतको बलिया सिटी कोतवाली क्षेत्र अन्तर्गत जगदीशपुरमा रहेको पंकज डेयरी एन्ड मिल्क प्रोडक्ट्स नामक कारखानामा खाद्य सुरक्षा तथा औषधि विभागले छापा मार्दा अचम्मको कुरा खुलासा भएको छ । यहाँ मकैको पाउडरमा आधारित पनिर भेटिएको छ ।
कारखानामा यहाँ स्टार्चलाई स्किम्ड मिल्क पाउडरमा मिसाएर चीज बनाइँदै थियो । जानकारी पाउने बित्तिकै, आजमगढ र बलियाबाट एक टोलीले कारखानामा छापा मारेको थियो । यसक्रममा विभागले ठुलो मात्रामा नक्कली पनिर फेला पार्याे ।
विभागले घटनास्थलबाट सबै सामान जफत गरेको छ । वास्तविक पनिर दूधबाट बनाइन्छ । तर, यहाँ पनिर मकैको पिठोबाट बनाइँदै थियो भनेर प्रमुख खाद्य सुरक्षा अधिकृत दिनेशकुमार राईले भनेका छन् । यस्तो पनिर निकै हानिकारक हुन्छ । टोलीले १५ किलो स्टार्च र लगभग ५८ किलो एसएमपी जफत गरेको छ ।
विज्ञहरूका अनुसार वास्तविक र नक्कली पनिर पहिचान गर्नु धेरै महत्त्वपूर्ण छ । यो कुरा छुट्याउन पनिरलाई तातो पानीमा हालेर, पिसेर वा आयोडिन टिंचरले परीक्षण गर्न सकिन्छ । असली पनिर पानीमा घुल्दैन ।
तर नक्कली पनिर सजिलै पग्लन वा फुट्न सक्छ । वास्तविक पनिरको स्वाद अलि गुलियो हुन्छ भने नक्कलीको स्वाद अनौठो हुनसक्छ । नक्कली पनिरलाई हातले माड्दा टुक्रिनुभन्दा पनि रबर जस्तै लचिलो भएर तन्किन्छ ।
फोन : ०८१-५९०५०९, ९८५८०७४२५०
Email : info@satyapati.com, satyanews100@gmail.com
Phone : ९८५८०४००६३,९८५८०४००६४
Email : satyanews100@gmail.com
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । नयाँ दिल्ली