नेपाल प्रहरीका आठ जना अधिकृतहरु आगामी चैत ५ गतेबाट अनिवार्य अवकाशमा जाँदैछन् । प्रहरी महानिरीक्षक वसन्तबहादुर कुँवरसहित उनीसँगै २०५१ चैत ५ गते भर्ना भएका पाँच एआइजी र तीन जना डीआइजी अनिवार्य अवकाशमा जान लागेका हुन् ।

अधिकांश उमेर हदका कारण यसअघि नै अवकाश भए पनि आठ जना भने तीन सातापछि मात्रै अवकाश हुन लागेका हुन् । उनीहरूलाई प्रहरी किताब खानाले अवकाशको पत्र समेत बुझाइसकेको छ ।

जसमा एआइजीहरु टेकप्रसाद राई, बुद्धिराज गुरुङ, दुर्गा सिंह, कुबेर कडायत र जनकराज भट्टराई एकसाथ अवकाश हुनेछन् । एआइजी बढुवा सिफारिस भएका भट्टराई हाल कर्णाली प्रदेशको प्रमुख छन् ।

बढुवा भएपछि उनी प्रदेश समन्वय विभागमा छोटो समयका लागि रहनेछन् । भट्टराईले एआइजीमा बढुवा भएर दज्र्यानी चिन्ह लगाउन बाँकी भए पनि अवकाशको पत्र भने बुझिसकेका छन् ।