सत्यपाटी
नेपाल प्रहरीका १० जना प्रहरी कर्मचारी सम्पर्कबिहीन भएका छन् । प्रहरी प्रधान कार्यालयले सूचना जारी गर्दै एक जना प्रहरी सहायक हवल्दारसहित १० जना सम्पर्कबिहीन भएका हुन् ।
प्रहरी प्रधान कार्यालयले लामो समयदेखि गैरहाजिर रहेको भन्दै उनीहरुलाई एक साताभित्र कार्यालयमा उपस्थित हुन आग्रह गरेको छ ।
तोकिएको समयभित्र कार्यालयमा उपस्थित नभए सेवाबाट हटाइने समेत चेतावनी दिइएको छ । गैर हाजिर हुनेमा सहायक हवल्दार कृष्ण कार्की, प्रहरी जवान रञ्जित श्रेष्ठ, खिमबहादुर बुढाथोकी, अश्मी तामाङ लगायत रहेका छन् ।
प्रकाशित मिति : २०८१ फागुन ११ गते आइतबार
