बाँकेको नरैनापुर गाउँपालिका जिल्लास्तरीय अध्यक्ष कप क्रिकेट प्रतियोगिता २०८१ को उपाधि नेपालगन्ज ८ ले हात पार्न सफल भएको छ । प्रतियोगिताको फाइनल खेलमा नेपालगन्ज ५ लाई तीन विकेटले पराजित गर्दै नेपालगन्ज ८ ले उपाधि जित्न सफल भएको हो ।
भेरी रकर्स स्पोर्ट क्लबको आयोजना र नरैनापुर गाउँपालिकाको सहयोगमा सञ्चालित क्रिकेट प्रतियोगिताको फाइनल खेलमा पहिले ब्याटिङ् गरेको नेपालगन्ज ५ ले निर्धारित ओभरमा १४६ रन बनाएको थियो । सो स्कोरमा राष्ट्रिय खेलाडी सवेन्दु पाण्डेले ४२ र सद्दाम खानले ३४ रन बनाएका थिए ।
वडा नम्बर ८ का बलर अल्ताफ शेषले ३ र जानु कसगरले २ बिकेट हासिल गरेका थिए । १४७ रनको विजयी लक्ष्य लिएर ब्याटिङ् गर्न उत्रिएको वडा नम्बर ८ ले १४.३ ओभरको खेलमा ७ विकेट गुमाउँदै १४७ रन बनाएर उपाधी जित्न सफल भएको थियो । सो टोलीका जानु कसगरले ३१ रन बनाउँदै २ बिकेट समेत लिन सफल भएकाले उहाँलाई म्यान अफ द फाइनल घोषित गरियो ।
यसैगरी प्रतियोगिताका बेस्ट प्लेयर वडा नम्बर ८ का सलाम शेष, बेस्ट व्याट्सम्यान नरैनापुर २ का सलाम खान र बेस्ट बलर वडा नम्बर ५ का दानिस खानलाई घोषित गरियो । प्रतियोगिताका विजेतालाई नगद ६० हजार, कप, पदक तथा प्रमाणपत्र र उपविजेता टिमलाई नगद ३० हजार, कप, पदक तथा प्रमाणपत्र प्रदान गरिएको थियो । प्रतियोगितामा बाँके जिल्लाका ८ वटै स्थानीय तहका तीन दर्जन टिमको सहभागिता थियो ।
फोन : ०८१-५९०५०९, ९८५८०७४२५०
Email : info@satyapati.com, satyanews100@gmail.com
Phone : ९८५८०४००६३,९८५८०४००६४
Email : satyanews100@gmail.com
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । बाँके