गायिका मेलिना राई वैवाहिक बन्धनमा बाँधिन लागेकी छन् । उनले लमजुङका डा.ध्रुव गुरुङसँग विवाह गर्न लागेकी हुन् । जन्म थलो इलाम भएका ध्रुव पेशाले ब्रिटिस आर्मी हुन् । हालै उनीहरूको इन्गेजमेन्ट भएको छ ।

उनीहरूले राई जाती पहिरनमा इन्गेजमेन्ट गरेको तस्बिर र भिडिओहरू सार्वजनिक भएका छन् ।उनीहरुको बिहे भोलि शुक्रबार हुँदैछ । शुक्रबार पारिवारिक जमघटका बीच विवाह हुनेछ । वैवाहिक कार्यक्रम गोकर्णेश्वरस्थित हिमाली घर रिसोर्टमा हुने भएको छ ।

ध्रुवका आफन्तहरूले सामाजिक सञ्जालमा विवाहको लागि बधाई तथा शुभकामना दिएका छन् । सामाजिक सञ्जालमा यता गायिका मेलिनालाई विवाहको शुभकामना र बधाई दिन सुरु भएको छ । इन्गेजमेन्टका तस्बिरहरु सार्वजनिक भएसँगै उनका फ्यान र कलाकारले बधाई दिइरहेका छन् ।

मेलिनाका थुप्रै गीत चर्चित छन् । उनले रैँया चाँदीकाे, कम्मरमाथि पटुकी, पटुकीमाथि घैला, शीरैमा शीरबन्दी, तिमीले बाटो फेर्‍यौ अरे, कुटुमा कुटु सुपारी दाना, जेल पनि सहुँला लगायतका हिट गीत गाइसकेकी छिन् ।