देशमा अहिले चिसोको मौसम चलिरहेको छ । यो मौसममा वृद्धवृद्धाहरुलाई मात्रै हैन साना बालबालिकाहरुलाई पनि धेरै समस्याको सामना गर्नुपर्ने हुन्छ । विशेषगरी पाँच वर्ष वा सोभन्दा कम उमेरका बालबालिकालाई चिसो मौसममा अति सावधानी अपनाउनु आवश्यक हुन्छ चिसो मौसममा केही टिप्सहरू अपनाएर तपाईं आफ्ना साना बच्चाहरूलाई न्यानो र सुरक्षित राख्न सक्नुहुन्छ ।

चिसो मौसममा पाँच वर्षमुनिका बालबालिकाले बढी समस्या र जोखिमको सामना गर्छन् । साना बालबालिका र नवजात शिशुहरूलाई न्यानो बनाउन र चिसोबाट सुरक्षित राख्न एकभन्दा बढी कपडा लगाउनुपर्छ । तिनीहरूलाई रातमा हल्का तौलको कम्बलले ढाक्नुपर्छ । यहाँ ध्यान दिनु महत्त्वपूर्ण छ कि बच्चाहरूलाई रातमा धेरै न्यानो कोठा चाहिँदैन । तिनीहरूका लागि १६ देखि २० डिग्री सेल्सियसको तापक्रम उत्तम हुन्छ ।

अत्यधिक गर्मीले शिशुलाई ठूलो हानि हुन सक्छ । यदि तपाइँ चिसो मौसममा आफ्नो बच्चालाई बाहिर लैजाँदै हुनुहुन्छ भने उसको टाउकोलाई न्यानो कपडाले छोप्नुहोस् । यसबाहेक उसलाई न्यानो राख्न पन्जा र मोजा लगाइ दिनुहोस् । सुरक्षा उपायको रूपमा कारमा यात्रा गर्दा तपाईंको बच्चालाई अलिकति कम बाक्लो स्वेटर वा कोट लगाइ दिनुहोस् ताकि तपाईंको बच्चालाई सिट बेल्टले बाँधेर राख्न सजिलो होस् । आवश्यक परेमा सिट बेल्टले बाँधेर कम्बलले छोप्न सक्नुहुन्छ । तर, कारबाट ओर्लिएर घर वा कोठाभित्र फर्किँदा त्यसलाई हटाउनुपर्छ ।