आफ्नो दैनिक आहारमा हरियो मटर समावेश गर्नाले ब्लड सुगर नियन्त्रण भइ स्वास्थ्यमा पनि सुधार हुन्छ । गलत खानपान र अनियमित जीवनशैलीका कारण रगतमा सुगरका बिरामीको संख्या दिनप्रतिदिन बढ्दै गएको छ । त्यसैले यस्ता खानेकुरालाई डाइटमा समावेश गर्नुपर्छ भने रगतमा चिनीको मात्रा घटाउन सहयोगी साबित हुन्छ ।

चिसो मौसममा बेच्ने ताजा हरियो मटर एक यस्तो मधुमेह अनुकूल तरकारी हो । हरियो मटर एक उत्कृष्ट सुपर फूड हो जुन स्वादिष्ट मात्र होइन तर यसले शरीरमा रगतमा चिनीको मात्रा सन्तुलनमा राख्न मद्दत गर्ने पोषक तत्वहरू पनि पाइन्छ । यसका साथै यसले शरीरलाई धेरै रोगबाट बचाउँछ ।

रगतमा चिनी नियन्त्रणमा रहन्छ

मटरमा कम ग्लाइसेमिक इन्डेक्स (GI) हुन्छ, जसले रगतमा चिनीको व्यवस्थापन गर्न मद्दत गर्छ । मटरमा पाइने फाइबर र प्रोटिनले पनि अचनाको रगतमा चिनीको मात्रामा हुने उतारचढावलाई रोक्न मद्दत गर्छ ।

पाचन सुधार गर्छ

हरियो मटरमा प्रशस्त मात्रामा फाइबर हुन्छ, जसले पाचन प्रक्रियालाई सुधार गर्छ । यसका साथै फाइबरले लामो समयसम्म पेट भरिएको महसुस गराउँछ, जसले भोक कम गर्छ र धेरै खानबाट रोक्छ ।

मांसपेशी निर्माणमा उपयोगी

हरियो मटरमा पनि राम्रो मात्रामा प्रोटिन हुन्छ, जसले शरीरलाई ऊर्जा प्रदान गर्छ र मांसपेशीहरू मर्मत गर्न मद्दत गर्छ । यस्तो अवस्थामा यदि तपाई जिम जानुहुन्छ भने आफ्नो आहारमा मटर अवश्य समावेश गर्नुहोस् ।

आँखाका लागि फाइदाजनक

मटर आँखाको स्वास्थ्यका लागि निकै फाइदाजनक हुन्छ । आधा कप हरियो मटरमा सिफारिस गरिएको दैनिक मात्राको ४७% भिटामिन ए हुन्छ, यो भिटामिन आँखाको ज्योति कायम राख्न र म्याकुलर डिजेनेरेशन रोक्नका लागि सबैभन्दा राम्रो मानिन्छ ।

वजन घटाउन मद्दत

हरियो मटरको सेवनले तौल घटाउन पनि मद्दत गर्छ । यसमा कम क्यालोरीहरू छन् र छिटो पेट भर्न मद्दत गर्दछ, जसले गर्दा धेरै खाने र अस्वस्थ खाजाहरू रोक्न । जसले गर्दा तौल नियन्त्रण हुन्छ ।

मटर यसरी खानुहोस्

आफ्नो आहारमा हरियो मटर समावेश गर्न धेरै सजिलो छ । तपाईं हरियो मटरलाई उमालेर, सूपमा थपेर, सलादको रूपमा वा तरकारीमा मिसाएर खान सक्नुहुन्छ । यसका साथै रोटीसँग पनि खान सकिन्छ । हरियो मटर जाडोमा ताजा रूपमा पाइन्छ, जुन धेरै फाइदाजनक हुन्छ ।