नेपाल प्रिमियर लिग (एनपिएल) को दोस्रो खेलमा चितवन राइनोजले काठमाडौं गोर्खाजलाई ५ विकेटले पराजित गरेको छ । काठमाडौँले दिएको ११२ रनको लक्ष्य चितवनले १७.१ ओभरमा ५ विकेट गुमाउँदै पूरा गरेको हो ।

चितवनका सन्तोष कार्कीले २८ रन बनाउँदा लुक बेन्केनस्टाइनले २२ तथा हसन इसाखिलले १२ रन जोडे । काठमाडौँका लागि शाहब आलमले तीन विकेट लिए । कीर्तिपुरस्थित त्रिवि क्रिकेट मैदानमा टस हारेर पहिला ब्याटिङ गरेको काठमाडौँले २० ओभरमा ९ विकेट गुमाउँदै १११ रन मात्रै बनाउन सक्यो ।

पाकिस्तानी बलर सोहेल तान्विरसामु काठमाडौंका ब्याटर चल्न सकेनन् । उनी एक्लैले पाँच विकेट लिए । काठमाडौंका लागि सबैभन्दा धेरै सुमित महर्जनले २९ रन बनाए । माइकल लेभिटले २५, डान डौथवेट १९ र शंकर रानाले १६ रन जोडेका थिए ।