आज कोशी, बागमती, गण्डकी र कर्णाली प्रदेशका केही स्थानमा मेघ गर्जन र चट्याङसहित हल्का वर्षा हुने मौसम पूर्वानुमान महाशाखाले जानकारी दिएको छ । त्यस्तै उच्च पहाडी तथा हिमाली भू-भागका केही स्थानमा वर्षा तथा हिमपात हुन सक्नेछ ।

महाशाखाका अनुसार हाल नेपालमा पश्चिमी वायु र स्थानीय वायुको आंशिक प्रभाव रहेको छ । अहिले सुदूरपश्चिमलगायत पहाडी भू-भागमा आंशिक बदली भइरहेको छ ।

आगामी २४ घण्टामा कोशी, बागमती, गण्डकी र कर्णाली प्रदेशका पहाडी भू-भागका केही स्थानमा मेघ गर्जन र चट्याङसहित हल्का वर्षा हुन सक्नेछ । लुम्बिनी, कर्णाली, गण्डकी र सुदूरपश्चिमलगायत केही स्थानमा हावाहुरी आउन सक्ने भएकाले आवश्यक सतर्कता अपनाउन महाशाखाले अनुरोध गरेको छ ।

शनिबार कोशी, बागमती, गण्डकी र कर्णालीका पहाडी भू-भागका केही स्थानमा मेघ गर्जन र चट्याङसहित हल्का वर्षा हुन सक्नेछ । साथै लुम्बिनी, कर्णाली, गण्डकी, बागमती र सुदूरपश्चिम प्रदेशका केही स्थानमा हावाहुरी आउन सक्नेछ ।

त्यस्तै आइतबार देशभर बदली रही कोशी र गण्डकी प्रदेशका उच्च पहाडी तथा हिमाली भू-भागका केही स्थानमा वर्षा  र हिमपातको सम्भावना छ । साथै देशभर केही स्थानहरूमा हावा हुरीको पनि सम्भावना रहेको महाशाखाको पूर्वानुमान छ ।