सूचनाको शक्ति - The Power Of Information

        

भान्सामा पाइने मसला औषधीय गुणले भरिपूर्ण

हाम्रो भान्सामा धेरै मसला पाइन्छ जसले खानाको स्वाद बढाउने मात्र होइन हाम्रो स्वास्थ्यका लागि पनि निकै फाइदाजनक हुन्छ । यी मसला मध्ये एक दालचीनी हो, यो मसला औषधीय गुणले भरिपूर्ण छ । दालचीनीको बोक्रालाई मसलाका साथै औषधिको रूपमा पनि प्रयोग गरिन्छ ।

त्यसैले यो मसलालाई पावरफुड पनि भनिन्छ। दालचीनी हल्का खैरो रंगको हुन्छ। यो मसलाले मोटोपना कम गर्नुका साथै धेरै रोगलाई निको पार्ने क्षमता पनि राख्छ । यसलाई दैनिक एक कप वा आधा गिलास मनतातो पानीसँग राति सुत्नुअघि र बिहान खाली पेटमा खाँदा धेरै फाइदा हुन्छ ।

दालचीनीमा प्रशस्त पोषक तत्व

दालचीनीमा आइरन, म्याग्नेसियम, कार्बोहाइड्रेट, फस्फोरस, प्रोटिन, क्याल्सियम, म्याङ्गनीज, कपर, जिंक, भिटामिन, नियासिन, थायामिन र लाइकोपीन जस्ता पोषक तत्वहरू पाइन्छ । यी सबै पोषक तत्वहरूले तपाईंको शरीरलाई बलियो बनाउन मद्दत गर्दछ ।

दालचीनी यी समस्याहरूमा प्रभावकारी

कमजोर प्रतिरक्षा प्रणाली – यदि तपाईंको रोग प्रतिरोधात्मक क्षमता कमजोर छ भने तपाईंले आफ्नो आहारमा दालचीनी समावेश गर्नुपर्छ। यसमा एन्टिब्याक्टेरियल र एन्टी–इन्फ्लेमेटरी गुण हुन्छ जसले कमजोर प्रतिरक्षा प्रणालीलाई बलियो बनाउँछ ।

पेटको लागि प्रभावकारी – दालचीनीको सेवनले तपाईंलाई पेटसँग सम्बन्धित समस्याहरू हुँदैन। यसको सेवनले अपच र ग्यासको समस्याबाट छुटकारा मिल्छ । दालचीनीमा पाइने पोलिफेनोल र प्रोएन्थोसायनिडिन्सले कब्जियत र पेटसम्बन्धी समस्यालाई कम गर्न प्रभावकारी हुन्छ ।

मोटोपना घटाउँछ – अस्वस्थकर खानपान र कसरत नगर्ने कारण अधिकांश मानिस मोटो हुने गरेका छन् । दालचीनी मोटोपना घटाउन निकै फाइदाजनक हुन्छ । यसले चयापचय सुधार गर्दछ, वजन घटाउन सजिलो बनाउँछ ।

महिनावारीमा प्रभावकारी – आजकल महिलाहरूले अनियमित महिनावारीको सामना गर्नुपर्ने हुन्छ । यस्तो अवस्थामा ती महिला र केटीहरूले आफ्नो आहारमा दालचीनी समावेश गर्नुपर्छ । दैनिक दालचीनी पानी पिउनाले महिनावारी बिस्तारै नियमित हुन जान्छ ।

कोलेस्ट्रोल नियन्त्रण गर्नुहोस् – यदि तपाईको खराब कोलेस्ट्रोलको स्तर बढेको छ भने यसलाई नियन्त्रण गर्न दालचीनीको प्रयोग गर्नुहोस्। दालचीनीको सेवनले कोलेस्ट्रोल कम हुन्छ र अवरोध हटाउँछ । यस्तो अवस्थामा मुटु रोगीले यसको सेवन गर्नुपर्छ ।

प्रकाशित मिति : २९ चैत्र २०८०, बिहीबार ०६:५५