नेपाली बजारमा सुनको मूल्य बढेको छ ।
नेपाल सुनचाँदी व्यवसायी महासङ्घका अनुसार आज छापावाला सुनको मूल्य प्रतितोला ५ सय रुपैयाँले बढेको हो ।
मङ्गलवार प्रतितोला १ लाख ३६ हजार ३ सयमा कारोबार भएको छापावाल सुन आजका लागि भने १ लाख ३६ हजार ८ सय रुपैयाँ निर्धारण गरिएको छ ।
त्यस्तै, तेजावी सुन मंगलवार प्रतितोला १ लाख ३५ हजार ६ सय ५० मा कारोबार भएकोमा महासङ्घले आजका लागि भने एक लाख ३६ हजार १ सय ५० रुपैयाँ निर्धारण गरेको छ ।
यस्तै, चाँदीको मूल्यमा पनि सामान्य वृद्धि भएको छ ।
अघिल्लो दिनको तुलनामा चाँदीको मूल्य तोलामा रु १५ ले बढेर एक हजार सात सय कायम भएको छ ।
सत्यपाटी संवाददाता । काठमाडौँ