गायक राजेशपायल राईलाई प्रहरीले छाडेको छ।
मद्यपान गरी मध्यरातमा हाेहल्ला गरेपछि पक्राउ परेका गायक राईलाई प्रहरीले छाडेको हो । रातिको करिब २ बजेतिर मदिरापान गरी होहल्ला गरेपछि राईसहित ८ जनालाई प्रहरीले पक्राउ गरेको थियो ।
राईसहित तीन जनालाई नयाँ बानेश्वर प्रहरीले पक्राउ गरेको थियो भने अन्य पाँच जनालाई अन्य ठाउँबाट पक्राउ गरेको थियो ।
पक्राउ गरी प्रहरी वृत्त बानेश्वरमा राखिएका उनीहरूलाई बिहीबार बिहान करिब १० बजेतिर आफन्तको जिम्मा लगाएर छाडिएको प्रहरीले जनाएको छ ।
सत्यपाटी संवाददाता । काठमाडौँ