तनहुँमा एक बालकले झुन्डिएर आत्महत्या गरेका छन् । जिल्लाको भानु नगरपालिका वडा नम्बर ९ बडहरेका १३ वर्षीय पर्वत सुनारले मोबाइल चलाउन नपाउँदा आत्महत्या गरेका हुन् ।

उनी मोबाइल धेरै चलाउने गरेको र उनको आमाले मोबाइल चलाउन नदिएपछि गएराति घरमै झुन्डिएर आत्महत्या गरेको स्थानीयले बताएका छन् । प्रहरीका अनुसार घटनाबारे थप अनुसन्धान भइरहेको छ ।

‘बालकले आत्महत्या गरेको खबर आएपछि हामी घटनास्थलमा आएका छौं, घटनाबारे बुझ्दै छौं,’ एक प्रहरीले भने ‘घटनाको थप अनुसन्धान भइरहेको छ, थप कुरा पोष्टमार्टमपछि मात्रै थाहा हुन्छ ।’