उपप्रधान तथा गृहमन्त्री नारायणकाजी श्रेष्ठ ‘प्रकाश’ले आमसर्वसाधारणमा ट्राफिक सचेतना अभिबृद्धि गर्दै सडक अनुशासन कायम गर्नका लागि सबैलाई प्रेरित गर्न आवश्यक रहेको बताएका छन् ।
सडक अनुशासन तथा सवारी दुर्घटना न्यूनीकरणका लागि ट्राफिक सप्ताह २०८० को आज नेपालगन्जमा उद्घाटन गर्दै गृहमन्त्री श्रेष्ठले यस्ता अभियानले सडक अनुशासन कायम गर्दै बढ्दो सवारी दुर्घटना न्यूनीकरणमा भूमिका खेल्ने बताए ।
![May be an image of 13 people, crowd and text](https://scontent.fktm10-1.fna.fbcdn.net/v/t39.30808-6/424779023_24837266972587137_2110015834063935149_n.jpg?_nc_cat=101&ccb=1-7&_nc_sid=3635dc&_nc_ohc=WmKSgn9R_DMAX-a4zw5&_nc_ht=scontent.fktm10-1.fna&oh=00_AfCmS5XJL9lK-PR0wk6dOdtEqWpMHo8v5D3mqvj_6_WLHw&oe=65DBFD9F)
उनले अभियानलाई सफल पार्न सबैलाई आह्वान गरे । गृहमन्त्री श्रेष्ठले सवारी दुर्घटना न्यूनीकरणका लागि सबै पक्षको इमान्दारिता र सक्रियता आवश्यक रहेको बताए ।
![May be an image of 9 people, temple and text](https://scontent.fktm7-1.fna.fbcdn.net/v/t39.30808-6/425268765_24837266935920474_6075992166469429961_n.jpg?_nc_cat=111&ccb=1-7&_nc_sid=3635dc&_nc_ohc=EJbZQZCQSh0AX-RXC_h&_nc_ht=scontent.fktm7-1.fna&oh=00_AfDvt0aywaXOV8dMp-sAZc_I-9pjQ4yZVBWcpySNpNUyWA&oe=65DCAE15)
गृहमन्त्री श्रेष्ठले स्कुटर चालकलाई हेल्मेट हस्तान्तरण तथा सवारी साधनमा सचेतनामूलक स्टिकर टाँस गरी ट्राफिक सप्ताहको शुभारम्भ गरेका हुन् ।
नेपालगन्ज उपमहानगरपालिका, कोहलपुर नगरपालिका र जिल्ला ट्राफिक प्रहरी कार्यालय बाँकेको आयोजनामा ट्राफिक सप्ताह सुरु गरिएको हो ।
![May be an image of 7 people, crowd and text](https://scontent.fktm7-1.fna.fbcdn.net/v/t39.30808-6/425420628_24837267309253770_6049672262977522020_n.jpg?_nc_cat=100&ccb=1-7&_nc_sid=3635dc&_nc_ohc=JVHkpimS1B8AX_eoJLI&_nc_ht=scontent.fktm7-1.fna&oh=00_AfAzb9ubJkelnhLhs8RfWr-Ep32ecTsE3nxJ_8FwPFCg-w&oe=65DB0BDC)
औपचारिक कार्यक्रम अघि नगरमा प्रभातफेरि निकालिएको जिल्ला ट्राफिक कार्यालय बाँकेका प्रमुख प्रहरी निरीक्षक गोपी कृष्ण सुवेदीले बताए । उनका अनुसार ट्राफिक सप्ताहमा सचेतनामूलक कार्यक्रम संचालन गरिनेछ ।
![May be an image of one or more people, crowd and text](https://scontent.fktm10-1.fna.fbcdn.net/v/t39.30808-6/424918744_24837266962587138_8376885559475467914_n.jpg?_nc_cat=102&ccb=1-7&_nc_sid=3635dc&_nc_ohc=cOtMkGb2PqwAX9Oxovk&_nc_ht=scontent.fktm10-1.fna&oh=00_AfAeopiM926rLcLqzN2qCFlIQPaSGLfHzug8tmyErf6GhA&oe=65DB6510)
सत्यपाटी संवाददाता । बाँके