काठमाण्डौको चन्द्रागिरि, मकवानपुरको सिमभञ्ज्याङ र दामनमा हिमपात भएको छ ।

चन्द्रागिरिमा हिजो बेलुका हल्का हिमपात भएको चन्द्रागिरिमा रहेको भालेश्वर महादेव मन्दिरका पुजारी विदुर न्यौपानेले जानकारी दिनुभयो ।

यस्तै, मकवानपुरको थाहा नगरपालिकाको दामन तथा सिमभञ्ज्याङ क्षेत्रमा पनि हिजो बेलुका हिमपात भएको इलाका प्रहरी कार्यालय थाहानगरका प्रहरी निरीक्षक यम थापामगरले जानकारी दिनुभयो ।

दामन सिमभञ्ज्याङ क्षेत्रमा हिमपात भएपछि स्थानीय किसान, होटल व्यवसायीलगायत खुसी भएका छन् । दामन सिमभञ्ज्याङ क्षेत्रबाट हिमश्रृङ्खलासमेत अवलोकन गर्न सकिन्छ ।

पश्चिमी वायुको प्रभावले हिजो सुुदूरपश्चिम, कर्णाली, लुम्बिनी, गण्डकी प्रदेशका धेरै ठाउँमा मध्यम तथा हल्का वर्षासँगै उच्च पहाडी तथा हिमाली क्षेत्रमा हिमपात भएको थियो ।

त्यस्तै, बाग्मती र कोशीका उच्च पहाडी क्षेत्रमा हल्का वर्षासँगै हिमपात भएको छ ।