सूचनाको शक्ति - The Power Of Information

        

नीताको ‘झिमझिम परेली’मा अलिशा र बद्रीको रोमान्स

प्रवासमा रहेर गायन मार्फत अनवरत रूपमा नेपाली गीतसङ्गीतमा क्रियाशील नीता आचार्यको नयाँ गीत ‘झिमझिम परेली’ सार्वजनिक भएको छ । गीत गायनमा आचार्यलाई स्वरमा प्रताप दासले साथ दिएका छन् ।

डिपी खनालको शब्द, शंकर थापा ‘स्माईल’को सङ्गीत रहेको गीतमा विषम आचार्यको सङ्गीत संयोजन छ ।

केशवराज भट्टको निर्देशनमा गीतको भिडियो बनेको छ । जसमा अलिशा शर्मा र बद्रीप्रसाद तिवारीको अभिनय छ । नवराज उप्रेतीको छायांकन र बन्दे प्रसादको सम्पादन रहेको भिडियो गायिका आचार्यको अफिसियल युट्युब च्यानलमार्फत सार्वजनिक गरिएको हो ।

प्रकाशित मिति : १४ माघ २०८०, आइतवार ०९:३१