‘अर्को गाडी चढेर गए त्रिशूलीमा खसेको जिपका चालक’
जिल्ला प्रहरी कार्यालय चितवनले त्रिशुली नदीमा खसेको बोलेरो जिपका चालक सकुशल रहेको बताएको छ ।
चितवनका प्रहरी प्रवक्त डिएसपी श्रीराम भण्डारीका अनुसार आज बिहान ४ः४० मा त्रिशुली नदीको ३ नम्बर पुलमा खसेको भारतीय नम्बर प्लेटको बोलेरो जिप दुर्घटनामा कुनै पनि मानवीय क्षति भएको छैन ।
उनले भने, ‘प्रत्यक्षदर्शीले हामीलाई बताए अनुसार गाडीका चालक करिब ५ः३० बजे अर्को गाडी चढेर गएको देखेका थियौं । गाडी दुर्घटना हुनुअघि चालकले हाम फालेर ज्यान जोगाएको र अर्को गाडीमा कतै गएका हुन् ।’
सत्यपाटी संवाददाता । चितवन