पोखराबाट पाल्पा जाँदै गरेको जिप दुर्घटना भएको छ । आज बिहान तनहुँको भिमाद नगरपालिका–३ मा ग १ ज ६३५६ जीप नम्बरको जीप दुर्घटना भएको हो ।

जिल्ला प्रहरी कार्यालय तनहुँका अनुसार जीपमा १२ जना सवार थिए । जीप सडकबाट करिब एकसय ५० मिटर तल खसेको छ ।

जिल्ला प्रहरी कार्यालय तनहुँका सूचना अधिकारी एवं डिएसपी मोहनबहादुर खाणले दुर्घटनामा १२ जना घाइते भएको बताए । ‘ उपचारका लागि तीन जनालाई पोखरा लगिएको छ,’ उनले भने, ‘आठ घाइतेको तनहुँमा उपचार भइरहेको छ ।’

उनले दुर्घटनामा चारवजना गम्भीर रहेको बताए । चालक प्रहरी नियन्त्रणमा छन् ।