अबदेखि फेसबुक मेसेन्जरमा आफूले पठाएको मेसेज इडिट (सम्पादन) गर्न सकिने भएको छ । त्यसका लागि मोबाइल प्रयोगकर्ता हुनुहुन्छ भने आफूले पठाएको मेसेजमा क्लिक गर्नुपर्छ ।

त्यसपछि देखिने विकल्पमध्ये तीन वटा डट भएको ‘मोर’ अप्सनमा क्लिक गर्नुपर्ने हुन्छ । त्यसपछि सुरुमै इडिट अप्सनमा क्लिक गरेर मेसेजलाई सम्पादन गर्न सक्नुहुन्छ । तर, तपाईंले इडिट गरेकोबारे मेसेज पाउनेलाई पनि थाहा हुन्छ ।

तर, के इडिट भयो भनेर पाउने व्यक्तिलाई थाहा हुँदैन । वेब भर्जनका लागि आफूले पठाएको मेसेजको छेउमा माउस लगेपछि देखिने तीन डटमा क्लिक गर्नुपर्छ । त्यसपछि सुरुमै देखिने इडिट अप्सनमा क्लिक गरेर मेसेज सम्पादन गर्न सकिन्छ ।