अहिले कम उमेरमै पनि हृदयघात हुने जोखिम बढेर गइरहेको छ । खराब जीवनशैली, खानपान, उच्च कोलेस्ट्रोल जस्ता कारणले हृदयरोगीको संख्या पनि बढिरहेको छ । केही लक्षणले हृदयघात तथा हृदय रोगतिर इशारा गरिरहेको हुन्छ । जानौं त्यस्ता लक्षण ।

• वेबएमडीका अनुसार छातीको बायाँ भागमा दुखिरहनु हृदयघातको लक्षण हुन्छ ।
• छाती पोल्ने, वाकवाकी हुने, अपचको समस्या हुने पनि हृदयघातको संकेत हुन सक्छ ।
• छाती हुँदै बायाँ काँधतिर दुखाई महसुस हुनुलाई भुलेर पनि बेवास्ता नगर्नुहोस् ।
• छातीमा दबाब, दुखाई, दुख्दा दुख्दै घाँटीदेखि कानको तल्लो भागसम्म पुग्नु पनि हृदयघातको संकेत हुन सक्छ ।
• बिनाकारण एकदमै धेरै पसिना आउनु पनि हृदयघातको संकेत हुन सक्छ ।

यी मध्ये कतिपय लक्षण ग्यास्ट्रिकका कारण पनि हुन सक्छन् । अझ एन्जाइटी र मानसिक रोग भएकामा पनि यस्ता लक्षण देखिन सक्छन् । त्यसैले यस्तो लक्षण देखिनासाथ एकदमै आत्तिनु भने हुँदैन । आफूमा ग्यास्ट्रिक र मानिसिक समस्या छैन र यी मध्ये कुनै पनि लक्षण लगातार देखिने गरेको छ भने चिकित्सकसँग सल्लाह लिनु बुद्धिमानी हुन्छ ।