गायकद्वय सत्यराज आचार्य र स्वरूपराज आचार्यले आफूहरूले गाएको एक एक गीत सार्वजनिक गरेका छन् ।

गायक सत्यराज आचार्यले स्वर दिएको पागलपन बोलको गीतमा गायिका अञ्जु पन्तले स्वर दिएकी छन् भने अर्को गीत मायामा स्वरूपराज आचार्य र अनु चौधरीले स्वर दिएका छन् ।

सार्वजनिक दुई गीतमा पदम लोहारले शब्द रचनाका अलवा अभिनय पनि गरेका छन् । सार्वजनिक दुई मध्ये ‘माया’ बोलको गीतमा अभिनेत्री पूजा शर्मा र अर्को गीत ‘पागलपन’मा अभिनेत्री शिल्पा मास्केले पनि अभिनय गरेका छन् । चलचित्रको गीत झैँ निर्माण गरिएको भिडियोले दर्शकलाई निराश नबनाउने निर्देशक कविराज गहतराजले बताए ।

गीत रिलिज कार्यक्रममा सङ्गीतकार शम्भुजित बाँस्कोटा,  माननीय सांसद असिम शाह, राजन इसान, गायक शिलाबहादुर मोक्तान, सचिन रौनियार, गायिका प्राश्ना शाक्य, निर्देशक आशिफ शाह लगायतका व्यक्तित्वको उपस्थिति रहेको थियो ।