सूचनाको शक्ति - The Power Of Information

        

बाँकेमा अवैधरुपमा ल्याइएका अटोको पार्टपूर्जा बरामद

बाँकेमा अबैधरुपमा ल्याइएका २ लाख रुपैयाँ बढीको पेट्रोल अटोको पार्टपूर्जा बरामद गरिएको छ ।

नेपालगंज उपमहानगरपालिका-१८ भाटभटेनी नजिक जिल्ला प्रहरी कार्यालयबाट खटिएको प्रहरी टोलीले गस्ती गर्ने क्रममा बेवारिसे अबस्थामा थुपारेर राखेको बिभिन्न कम्पनीका पेट्रोल अटोका पार्टपूर्जाहरु बरामद गरेको हो ।

करिब दुई लाख उन्नाइस हजार रुपैयाँ बराबरको सामान फेला पारी बरामद गरिएको बाँके प्रहरीले जनाएको छ । बरामद गरिएका सामान आवश्यक कारवाहीको लागि नेपालगंज भन्सार कार्यालय पठाइएको जिल्ला प्रहरी कार्यालय बाँकेले जनाएको छ ।

प्रकाशित मिति : २८ मंसिर २०८०, बिहीबार १६:०१