सूचनाको शक्ति - The Power Of Information

        

नौबस्तामा रहेको बालसुधार गृहलाई सामग्री प्रदान

बाँकेको नौबस्तामा रहेको बालसुधार गृहका बालबन्दीलाई विभिन्न सामग्री प्रदान गरिएको छ ।

बाँकेको बैजनाथ ३, गाभरस्थित नौबस्तामा रहेको बालसुधार गृहका बाल बिज्याईँकर्ताहरुलाई एड्भोकेसी फोरमले विभिन्न सामग्री प्रदान गरेको जिल्ला प्रशासन कार्यालय बाँकेका प्रमुख जिल्ला अधिकारी श्रवणकुमार पोखरेलले जानकारी दिनुभयो ।

एड्भोकेसी फोरमका संयोजक तथा अधिकारकर्मी वसन्त गौतमको संयोजनमा बालसुधार गृहमा रहेका ११५ जना बाल बिज्याईँकर्ताहरुलाई विभिन्न सामग्री वितरण गरिएको प्रजिअ पोखरेलले जानकारी दिनुभयो ।

जाडोबाट बच्नका लागि ओड्ने डबल ब्लयाङ्केट ७५ थान, ओच्छ्याउने पी–फर्म दुई रोल, क्यारेमबोर्ड दुई थान, फुटबल दुई थान, लुडो दुई थान, नेट एक थान, स्किपिङ् तीन र चेस तीन थान प्रजिअ पोखरेलेलमार्फत बालसुधार गृहका बालबन्दीलाई प्रदान गरिएको एड्भोकेसी फोरमका संयोजक वसन्त गौतमले जानकारी दिनुभयो ।

बैजनाथ ३, गाभरस्थित नौबस्तामा रहेको क्षेत्रीय कारागारभित्र रहेको बालसुधार गृहमा विभिन्न जिल्लाका ११५ जना बालबन्दी छन् ।

प्रकाशित मिति : २७ मंसिर २०८०, बुधबार ०६:१६