पश्चिमी वायु र भारतको छत्तिसगढमाथिको आकाशमा रहेको न्युनचापीय क्षेत्रको आंशिक प्रभावले देशभर बादल लाग्दा आन्तरिक उडान प्रभावित भएको छ ।

काठमाडौं, पोखरा लगायत मुख्य शहर र देशका मध्य तथा पूर्वी प्रदेशको आकाशमा आज बादल लागेको छ । बादलसहित हुस्सु र कुहिरो लाग्दा आन्तरिकतर्फका कैयौं उडानहरु डिले भएका हुन् ।

पूर्वतर्फ भद्रपुर, विराटनगर, राजविराज जाने उडानहरु डिले भएका छन् भने पश्चिमतर्फ भरतपुर, पोखरा, भैरहवाका उडानहरु पछि सारिएका छन् ।

अन्तर्राष्ट्रियतर्फका उडानहरु भने नियमित भइरहेका छन् । मौसम पूर्वानुमान विभागले बदली रहेपनी वर्षाको भने खासै सम्भावना नरहेको जनाएको छ ।